Mia woin an Fried'n
Text Rudolf Nusser und Alexander Pelka
Melodie Blues/Rock'n Roll


Was is mit mir bloß loß
was is mit mir blos gscheng
i kann mi nimma leid'n - i kann mi nimma sehng
ois is m'a z'wida
nix duad mia mehr g'foin
i woaß ned, was i hab, i woaß ned was des soi
d'rum hock i mi in mei Eckal
laß alles and're sei
da hab i meinen Fried'n,
und da mach i mi frei

|: Ja i wui an Fried'n i wui mai Ruah
zum Fried'n aber g'hert no mehra dazua :|
.... ja i wui lebn

Was is mit dir bloß loß
was is mit dir blos gscheng
i kannst mi nimma leid'n - ja kannst mi nimma sehng
bin i da z'wida
dua i dia nimma g'foin
i woaß ned, was du hast, i woaß ned was des soi
d'rum hock ma uns in a Eckal
laß'n alles and're sei
und red'n hoit mal d'rüber,
und da mach ma uns frei

|: Ja mir woin an Fried'n mia woin unsa Ruah
zum Fried'n aber g'hert no mehra dazua :|
.... ja mia woin leb'n

Herr Minister, Herr Kanzler, Herr Präsident,
Was is mit Eich bloß los
i glaab Ihr pennt
Was is mit Eich bloß los - was is mit Eich bloß g'scheng
kennt's Ihr uns nimma leid'n
kennt's Ihr uns nimma sehng
komm hockt's Eich auf den Gipfel
laßt alles and're sei
und schließt ganz schnell an Fried'n
und dann macht Ihr uns frei

|: Ja mir woin an Fried'n mia woin unsa Ruah
zum Fried'n aber g'hert no mehra dazua :|
.... ja mia woin leb'n

Doch |:Ihr hockt's in Eire Bunker
und mir wearn nimma sei
Ihr habts koan Fried'n g'macht und drumm seit's Ihr ned frei :|
Aber drauß'n herrscht a Fried'n und drauß'n herrscht a Ruah
doch zum Fried'n g'hört a 'as Leb'n dazua

|: Ja mir woit'n unsan Fried'n mia woit'n unsa Ruah
zum Fried'n aber g'hert no mehra dazua :|
.... in Freiheit überleb'n

Wie auch bei Fliag kloana Vog'l fliag ist das Thema Frieden
für mich sehr wichtig.